Portieri i Kombëtares, Thomas Strakosha, deklaroi pas ndeshjes se Shqipëria meritonte të vazhdonte rrugëtimin në Europian.
Sipas tij, kualifikimin kuqezinjtë e humbën në ndeshjen me Kroacinë.
Në lidhje me ndeshjen ndaj Spanjës, Strakosha deklaroi se nga mbrapa dukej sikur ekipi nuk kishte besim.
“Ky Europian më lë shije të këqija. Kemi merituar të kualifikoheshim. Më vjen gjynah për tifozët dhe për ne. Tani mendojmë për Nations League dhe të kualifikohemi në Botëror. Mendoj se kualifikimin e kemi humbur me Kroacinë. Humbëm ndaj Italisë, mendoj se kualifikimin e humbëm ndaj Kroacisë.
Ndaj Spanjës, nuk kishim besim. Kjo u duk nga mbrapa. Spanja është Spanja. Krijuam raste, por nuk ishim konkretë.”, deklaroi Strakosha për Tv Klan.
Discussion about this post