Në mënyrë unanime, Gjykata Evropiane e të Drejtave të Njeriut vendosi të përjashtojë kërkesën e ish-ministrit të Shëndetësisë Ilir Beqja për kompensim nga shteti shqiptar të tre viteve punë në funksionin e deputetit, pasi heqjes së mandatit si deputet në vitin 2011.
Ish ministri i Shëndetësisë në vitin 2012, kishte ankimuan në Gjykatën e Strasburgut vendimin e Kuvendit të Shqipërisë për heqjen e mandatit të tij si deputet, ndaj si dëmshpërblim të këtij vendimi kërkonte kompesim për tre vitet e hequra.
Përmes një njoftimi, Gjykata e Strasburgut ka kërkuar nga Beqaj disa shkresa të cilat duhej t’i plotësonte, por ky i fundit nuk ka kthyer përgjigjie.
Me këtë argument, gjykata ka rezultuar në përjashtimin e kërkesës.
Deputeti Ilir Beqaj e fitoi mandatin nga zgjedhjet e vitit 2009, por e humbi në vitin 2011 me akuzën se kishte përfituar fonde publike. Por një vit më vonë deputeti dërgoi çështjen e tij në Gjykatën e Strasburgut, kundër qeverisë që në atë kohë drejtohej nga Sali Berisha.
Mandati i Beqajt u hoq nga Gjykata Kushtetuese me pretendimin se ka përfituar nga fondet publike gjatë kohës që ishte deputet i Partisë Socialiste në qarkun e Shkodrës.Gjatë kësaj kohë, Partia Socialiste po zhvillonte bojkotin e parlamentit, ndaj argumentoi se deputet cilësohesh vetëm kur ke kryer betimin, por Gjykata Kushtetuese vendosi shkarkimin e tij pasi bazuar në legjislacion deputet konsiderohesh pasi mandatohesh nga KQZ-ja.
