Kalimi i Gianluigi Donnarummas nga Milan te PSG-ja ishte një nga më të bujshmet e kësaj vere. Ndërsa pas performacës së shkëlqyer me Milan sezonin e kaluar dhe fitore së ‘Euro 2020’ me Itali të gjithë prisnin ta shikonin talentin italian në portën e parisienëve, por diçka e tillë nuk ka ndodhur ende.
Së fundmi është zbuluar edhe pse nuk u bë i mundur transferimi i tij te Juventus edhe pse ai u kërkua shumë.
Raiola kishte arritur marrëveshjen me ish-drejtorin e Juventusit, Fabio Paratici për të sjellë Donnarummën në Torino me kosto zero dhe me një pagë prej 10 milionë eurosh dhe me një komision të kushtueshëm. Megjithatë në momentin kur në krye të stolit të ‘Zonjës së Vjetër’ u ul Allegri gjithçka mori një tjetër rrjedhë.
Ai nuk e pëlqente mjaftueshëm Donnarummën dhe si rezultat Mino Raiola rregulloi në kohë rekord një super marrëveshje me PSG-në, duke i lënë pastaj 0 mundësi Juventusit për të marrë yllin e Milan./K.T/Gijotina.com
