Anëtari i Kryesisë së PD-së Gent Strazimiri ka publikuar një foto skandaloze të dhunës së ushtruar nga fisi Rraja tek një prej kushërinjve të fisit Maja, që u dhunuan në mënyrë barbare.
Strazimiri ka publikuar foto, ku shihet qartë se shenja e këpucës është “stampuar” tek shpina e qytetarit. Në postimin e tij me FOTO, në Facebook, Strazimiri thekson se ka, “ka qeveri që shenjën e këpucës, e stampojnë mbi sipërfaqen e Hënës, por ka edhe nga ata qeveri që e stampojnë mbi shpinë të qytetarit të vet”.
“FOTO QË BËJNË HISTORI
Ka qeveri që shenjën e këpucës, e stampojnë mbi sipërfaqen e Hënës…
Ka dhe nga ato që e stampojnë mbi shpinën e mavijosur të qytetarit të vet…
Shenja këpuce janë të dyja, historike janë të dyja…
Se çfarë historie është pastaj, është çështje këndvështrimesh…
KAQ”, shkruan Strazimiri.
Discussion about this post