Ambasada amerikane ka vlerësuar vendimin e qeverisë për të strehuar qytetarë afganë në vendin tonë.
Kryediplomatja Yuri Kim vlerëson besën e shqiptarëve, ndërsa thekson se kur ka më shumë rëndësi, populli shqiptar tregon gjithmonë nder, guxim dhe mirësi. Kim shprehet se SHBA është krenare që ta quajë Shqipërinë mike dhe aleate.
“BESA, kur ka më shumë rëndësi, populli shqiptar tregon gjithmonë nder, guxim dhe mirësi. Ne jemi krenarë t’ju quajmë mikun dhe aleatin tonë.” shkruan Yuri Kim, ndërsa ka shpërndarë edhe reagimin e Kryetarit të Komitetit të Marrëdhënieve me Jashtë të Senatit Amerikan, Bob Menendez. Gjithashtu, Menendez vlerësoi vendimin e strehimit.
