Kejsi dhe Stresi prej vitesh kanë qenë në një histori dashurie të komplikuar. Dyshja i ka dhënë fund lidhjes së tyre rreth një vit më parë, pas disa ndarjesh dhe ribashkimesh. Ndarja mes tyre, mesa duket nuk ka qenë përfundimtare, pasi dyshja kanë treguar se vazhdojnë ende të ruajnë një marrëdhënie të mirë me njëri-tjetrin, madje shpreh herë dhe komunikojnë së bashku.
Tanimë, Kejsi e ka vazhduar jetën e saj në Kanada ndërsa reperi ndodhet në Shqipëri teksa vazhdon të merret edhe me karrierën e tij muzikore.
Ditën e sotme, Stresi ishte i ftuar në programin “E diell” ku gjatë një loje të zhvilluar në studio, moderatorja i ka kërkuar reperit që t’i dërgojë një video ish-partneres ku i thotë se ‘po vdes nga dëshira që të jenë bashkë, të planifikojnë një fëmijë dhe se nuk do të ndahen kurrë më”.
Nga ana tjetër, Stresi e ka pranuar me kënaqësi sfidën teksa moderatorja zbuloi një detaj shumë të veçantë ku ai ia kishte shënuar modeles emrin në telefon “E bukura Kejsi”.
“Kejs nuk di si të ta them por mezi po pres që të ribashkohemi bashkë. Dëshira është shumë e madhe besoj që edhe ti e di, të kemi një fëmijë bashkë pasi kemi kaluar shumë kohë dhe mendoj se është momenti i duhur. Të dua shumë.”
Pas kësaj situate, prezantuesja e ka pyetur se mos vallë mes tyre ka ndonjë ribashkim por Stresi ka zgjedhur të heshti dhe vetëm buzëqeshi.
Kujtojmë se, disa ditë më parë Kejsi ka publikuar disa fotografi duke punuar në një lokal nate si kameriere ku lajmi më pas bëri një bujë të madhe. Menjëherë pas kësaj erdhi dhe reagimi i Kejsit e cila në një status në Instagram ajo tregoi se asnjëherë nuk e ka mohuar punën që bën.
Discussion about this post