Struga e Shpëtim Duros barazon në transfertën lituaneze

Struga ka marrë një barazim pa gola kundër Zalgiris në ndeshjen e parë të luajtur në tranfertë për turin kualifikues në Champions League .

Takimi u luajt në Vilnius, ku si skuadra e drejtuar nga Shpëtim duro ashtu edhe lituanezët patën raste të pastra për të shënuar.

Struga u tregua e rrezikshme me kapitenin Ibraimi në minutën e katërt, ndërsa Zalgiris pati shansin e artë për të kaluar në avantazh pas një goditje me kokë të Hnid në minutën e 14-të, por portieri Kjosevski i mohoi festën ekipit të Vladimir Cheburin.

Struga mund ta mbyllte pjesën e parë në avantazh, nëse Shabani do tregohej më i saktë përpara porte.

Rastet konkrete nuk munguan as në pjesën e dytë, gjithsesi, skuadrat u detyruan të pajtoheshin me një barazim pa gola, duke lënë të hapur kualifikimin për ndeshjen e kthimit.