Struga Trim Lum ka lënë pas zhgënjimin në Europë duke fituar me rezultat 3-1, duelin ndaj Tikveshit të vlefshëm për javën e gjashtë në elitën e futbollit të Maqedonisë së Veriut.
Serinë e golave e hapi, Marjan Radeski që realizoi 1 supergol për epërsinë 1-0 të Strugës në minutën e 15-të. Dyfishimin e rezultatit e bëri Besart Ibraimi në minutën e 21-të nga penalltia, ndërsa pas 10 minutave sërish kërçovari gjeti rrjetën për shifrat 3-0 në favor të Strugës.
Ndërkohë shtatë minuta më vonë, Tikveshi përmes Xhemal Ibishit realizon golin që shkurtoi diferencat në 3-1. Pjesa e parë u mbyll me këtë rezultat.
Në pjesën e dytë nuk kishte ndryshim rezultati, me 90-të minutat që u mbyllën me shifra 3-1, me Strugën që siguroi tre pikë të rëndësishme.
Struga mund të kishte fituar me rezultat edhe më thellë, por Ibraimi nuk arriti që të realizoi tjetër gol nga pika e bardhë.
Takimi u mbyll me dy futbollist më pak në fushë, pasi nga radhët e Tikveshit me karton të kuq u ndëshkua Varelovski, përderisa Struga mbeti pa Maliqin.
Me ndeshjen Struga Trim Lum – Tikveshi mbyllet edhe java e gjashtë e Ligës së Parë, ndërsa takimet e radhës do të zhvillohet pas ndeshjeve ndërkombëtare të ekipeve përfaqësuese.
Discussion about this post