Gjykata Kushtetuese rrëzoi pjesërisht ligjin e qeverisë për studentët e mjekësisë, i cili i detyronte këta të fundit të punonit të paktën 5 vite në Shqipëri për të marrë diplomën.
Kushtetuesja kërkoi uljen e afateve, ndërsa studentët janë shprehur se ata po presim vendimin përfundimtar për të vendosur se si do të reagojnë.
Ata janë shprehur se janë gati të mbushin sheshet për plotësimin e të drejtave të tyre.
“Ne jemi dakord me vendimin. Gjykata Kushtetuese i kërkoi qeverisë atë që ne i kemi kërkuar prej kohësh, që të na dëgjojnë dhe të konsultohemi. Por në këtë moment do ishte e drejtë të dëgjoheshin të gjitha palët e interesit. Ka qenë situatë e vështirë, por beteja nuk përfundon akoma.
Po presim vendimin e arsyetuar. Të shohim se çfarë paraqet vendimi përfunduar që më pas të dimë edhe ne sesi të veprojmë. Këmbëngulja dhe guximi jonë nuk do përfundojë, jemi gati të mbushim sheshet nëse e drejta jonë cënohet”, deklaroi njëra prej studentëve, në emër të tyre.
Discussion about this post