Disa studentë kanë gjuajtur me gurë dhe sende të ndryshme në drejtim të një autobusi në lëvizje, duke plagosur drejtuesin e mjetit. Sipas informacioneve incidenti ka ndodhur në momentin që mjeti ishte në lëvizje dhe brenda kishte disa pasagjerë. Sulmuesit kanë hedhur gurë duke thyer xhamin e derës së shoferit, si pasojë e kanë plagosur atë në shpatull. Shoferi ka humbur drejtimin e mjetit duke rrezikuar jetën e të gjithë pasagjerëve që po udhëtonin me të. Por sipas autoriteteve ky nuk është rasti i parë që të panjohur kryejnë akte të tilla duke vënë në rrezik jetën e qytetarëve.
“Të panjohurit i hedhin gurë apo edhe vezë autobusëve ndërsa janë në lëvizje, me pasagjerë brenda”
Nga informacionet e para, autorët rezulton të jenë një grup prej katër apo pesë personash, studentë të mitur të zonës.
“Nga informacionet e para që kemi, duket se duhet të ketë pasur një sherr mes një grupi studentësh dhe një shoferi që nuk ka pranuar të hipin në autobus, pasi të miturit nuk kanë pranuar të mbajnë maska dhe së dyti autobusi ishte mjaft i mbushur me njerëz. Ndoshta nga ky fakt kanë nisur të gjitha këto gjëra të papranueshme”, janë shprehur autoritetet.
Discussion about this post