Deputetja demokrate Ina Zhupa thotë se ministrja e Arsimit Ogerta Manastirliu po i fshihet komisionit parlamentar, pasi siç thotë ajo, Manatirliu nuk pranon të vijë në seancën dëgjimore të parashikuar për t’u zhvilluar mesditën e sotme.
Ministria Ogerta Manastirliu shënon një rekord parlamentar për shmangie të detyrave kushtetuese në muajin e parë si ministre arsimi. Asnjë ditë nuk ka folur në kuvend, as për nisjen e vitit të ri shkollor, as të vitit të ri akademik, as për protestat dhe bojkotin e studentëve. Dhe ndryshe nga sa e detyron rregullorja nuk pranon të vij në komision, me justifikimin që janë punët e Evis Kushit dhe nis zv Ministren dhe disa drejtor.
Nëse Ogerta nuk e përballon dot, apo nuk i pëlqen detyra e re mund të jap dorëheqje por detyrimeve kushtetuese të llogaridhënies para kuvendit nuk mund ti anashkaloj.
Kryetarja në detyrë Açka nuk duhet pranojë zhvillimin e një dëgjese pa prezencën e ministres. Opozita nuk mund të bëhet fasadë e vendimeve që merr mazhoranca. Zv.ministra dhe drejtorët mund të shoqërojnë ministren por jo të zëvëndësojnë atë në komision.
Manastirliu të vij të na tregoj vizionin e saj, objektivat, frymën që do sjelli në arsim. A do jenë tenderat pika e fortë si në shëndetësi? A do i bëj prindërit për ilaçe me menaxhimin e saj? A do i lerë rrugëve studentët e mjekësisë, mjekët tanë të ardhshëm? A do i takoj sindikatat e pedagogëve? Çfarë do bëj për shkollat me dy turne? Cfarë do bëj me rindërtimin? Me vizionin për mësuesit? Këto edhe dhjetra pyetje tjera që ka detyrim të përgjigjet!
Discussion about this post