Ashtu siç kishin paralajmëruar studentët e Mjeksësisë kanë dalë sërish në protestë.
Protesta e tyre nisi te godina e kuqe teksa kanë nisur marshimin drejt Ministrisë së Arsimit.
Me pankarta në duar ata kërkojnë shfuqizimin e ligjit.
Në një intervistë për mediat, një përfaqësues i studentëve ka bërë të njohur vendimet e mëtejshme që do të kryejnë protestuesit në vijim.
Studentët përveç shfuqëzimit të ligjit kanë paraqitur sot dhe disa pika të tjera lidhur me protestën e tyre, nga përballja me ish Ministren e Shëndetësisë Ogerta Manasitirliu dhe dorëheqjen e zv.ministres së Arsimit Albana Tole për deklaratat e saj, sipas studentëve skandaloze, lidhur me protestën.
“Ne duam shfuqëzimin e ligjjit që mban peng diplomat për 5 vite. Nuk kemi asnjë lidhje me pjesën që duam të emigrojnë.
Ligjin do ta dërgojmë në Gjykatën Kushtetuese dhe sot do të marshojmë drejt Ministrisë së Arsimit.
Duam që ish-ministrja Ogerta Manastirliu të përballet me ne dhe kërkojmë dorëheqjen e zv.ministres së Arsimit Albana Tole.”-është shprehur një student në deklaratën e tij.
Discussion about this post