Pas marshimit të dhjetëra grave sot edhe studentët e “Fakultetit të Shkencave Sociale” kanë nisur një mbledhje në oborrin e Fakultetit për ditën e 8 marsit. Ky aktivitet më pas mori formën e një proteste, ku të rinjtë bënë thirrje për barazi gjinore, duke nxjerrë në pah të gjitha problematikat me të cilat hasen gratë dhe vajzat ndër vite, si dhe shkeljen e të drejtave të tyre.
Ata bënë thirrje që çdo vajzë dhe grua të ngrihet e të protestojë për të drejtat e saj.
“Vajzat në lule të rinisë, rebelohen!”-shkruhej në pankartat e tyre.
“Punojnë paradite që mbasdite të ikin në shkollë. Ne nuk e duam arsimin si vend dhe kemi dalë në protestë si zëri i vajzave që shfrytëzohen. Dhe atyre që nuk kanë mundur të studiojnë.
Meqë sot është 8 marsi, është dita kur çdo grua dhe vajzë ngrihet për të drejtat e tyre.
Gjithmonë na janë shkelur të drejtat, janë përbuzur, të merren me punë shpie e të respektosh babanë e vëllanë. Jetojnë në konvikte në kushte mizerabël se nuk marrin dot një shtëpi me qera. Ne jemi të aftë ta shkelim këtë qeveri”-tha njëra prej protestueseve.
Ata zgjodhën të marshojnë drejt Ministrisë së Arsimit, me thirrjet “Djem edhe vajza, së bashku protestojmë, në rrugë do të dalim, të drejtat t’i kërkojmë”, “Arsim Publik falas”, “8 orë në këmbë, studentë edhe punëtorë, a të fle gjumë, a të shkoj në shkollë”. Studentët kanë paralajmëruar edhe protesta masive në vijim.
Discussion about this post