Protesta e studentëve të Universitetit Bujqësor të Tiranës ka kulmuar përpara Ministrisë së Arsimit ku njëri prej të rinjve tha se rritja e çmimeve është e papërballueshme.
“Ne u ndalëm këtu, se nuk na janë plotësuar kërkesat tona. Na kanë vënë lakun në fyt, duke na rritur çmimin e urbanit, të bukës, të energjisë. Është e papërballueshme. Kjo është ministria e ç’arsimit, e turpit!”, tha i riu.
Fill pasi lëshuan disa mesazhe, studentët i janë drejtuar qendrës së Tiranës. Më herrët ata janë përplasur vazhdimisht me policinë pasi nuk i lejonin të protestonin, ndërsa kanë thënë që protestat do të vijojnë dhe në ditët në vazhdim, për t’iu bashkuar edhe studentët nga fakultetet e tjera.
Discussion about this post