Koreja e Veriut ka dënuar me vdekje një studen sepse iu gjet një USB me seritë e filmit “Squid Game”. Ai do të ekzekutohet me pushkatim, njësoj si ndodh dhe në serialin që rezultoi fatal për jetën e studentit.
I riu rezultoi se sapo ishte kthyer nga Kina dhe kishte shitur kopje të serialit tek miqtë e tij dhe studentë të tjerë.Sipas mediave vendase ai u arrestua në provincën veriore Hamgyong të vendit, teksa mësohet se nuk do të jetë i vetmi që do dënohet lidhur me këtë veprimtari.
Një nga studentët e tjerë që bleu një nga kopjet e filmit nga studenti që do të ekzekutohet, është dënuar me burgim të përjetshëm, ndërsa gjashtë të tjerë që ndoqën shfaqjen janë dënuar me pesë vjet punë të rëndë.
Koreja e Veriut ndalon rresptësisht shikimin e materialeve nga Perëndimi dhe Koreja e Jugut në vend. Bota distopike e Squid Game, në të cilën njerëzit me borxhe të mëdha përballen me njëri-tjetrin në lojërat e fëmijëve koreanë, dhe lojtarët të ciëlt humbin dënohen me vdekje, rezonon qartë me koreano-veriorët që jetojnë nën diktaturë.
Discussion about this post