“Studenti u bë vrasës! Rrinte në bankë të parë, është më i kërkuar se Talo Çela”

Kokat e krimit që sot janë më të kërkuarit nga drejtësia, kanë dalë nga bankat universitare ekselentë, e madje spikatnin nga të tjerët për zgjuarsi. Këtë gjë e konstaton edhe profesori i Kriminologjisë, Ervin Karamuço i cili mbrëmjen e djeshme tregoi rastin e një studenti të zgjuar dhe me zell për të shkuar në shkollë, e që pas disa vitesh u bë pjesë e botës së krimit

I ftuar në emisionin ‘Opinion’ ai tregoi se ai ka ‘mësuar’ një prej ‘gjeneralëve’ të krimit që sot është shumë më i kërkuar se Talo Çela apo Ibrahim Liçi, emrat e të superkërkuarve nga policia.

“…Para disa vitesh në një universitet privat kam patur në bankë të parë njërin, mbase është një çik më lart sesa këta, i cili gjatë gjithë kohës rrinte në bankë të parë, mbante shënime, bënte disa pyetje specifike dhe bënte analiza të mirëfillta. Ishte student dhe u diplomua dhe tani është gjeneral nuk është kolonel si puna e këtyre. Dhe unë habitesha për zgjuarsinë dhe për mënyrën sesi kërkonte informacion. Student i rregullt dhe kur më kanë thënë oficerët e krimeve që ti ke përgatitur gjermanin, jo partizanin… unë nuk e dija, sepse doli më vonë CV-ja e tij”, tha Karamuço.