Një studente ka shpërthyer në lotë para kryeministrit Edi Rama, në momentin kur ky i fundit po thoshte se pavarësisht frikës që studentët mund të kenë nga ëndrrat, në çdo moment duhet sakrificë. Por, situata del jashtë kontrollit kur një vajzë shpërthen në të qara, duke i përmendur kryeministrit faktin se ëndrra e saj për të vazhduar mjekësinë nuk u realizua për shkak të një gabimi edhe pse sot ajo mori medaljen e artë.
“Nuk e mendoja ndonjëherë se do të kisha shansin të ndaja me ju një peng timin. Unë studio për biologji, ju folët për ëndrra….në vitin e tretë të gjimnazit, ëndrra ime ishte që të vazhdoja mjekësinë e përgjithshme, por për shkak të një gabimi, që nuk ishte përgjegjësi e imja, siç e shikoni, unë jam këtu me medalje të artë, nuk arrita të realizoja ëndrrën time. Uroj që të mos i ndodhë kjo gjë askujt” – u shpreh studentja.
Nga ana tjetër, kryeministri Rama u shfajësua duke thënë se ky rast mund të ketë lidhje me vitin kur u realizua edhe platforma e re e universitetit dhe shumë nxënës nuk arritën të ndiqnin ëndërrat e tyre.
“Mbase i përket vitit para se të futej platforma e hyrjes për universitetin, nuk e di, nuk e kam të qartë se çfarë ka ndodhur, ç’ka ndodhur konkretisht? Realisht u çudita sepse faktikisht që kur është futur ky sistem nuk ka asnjë ankesë, zero, është tërësisht objektiv, nuk ndërhyhet nga jashtë. Siç edhe ndodhte më herët, dikush spostohej për hir të djalit të filanit. Rëndësi ka që u sqaruam që nuk ka lidhje me systemin. Pastaj koefiçentët e lëndëve me zgjidhje…ndoshta do thuash një ditë ‘sa mirë që më ndodhi kjo gjë’. Nuk e harroj një fjalim të Steve Jobs që u tregonte studentëve se nëse nuk do t’i kishte ndodhur një sukses apo një tjetër. Kështu që mbetet për tu parë se çfarë përgjigjeje do të të japë jeta”– u shpreh Edi Rama.
Në ceremoninë e dhënies së “Medaljes së Artë” për nxënësit që kanë përfunduar gjimnazin me 10 absolute, ishte i pranishëm edhe Kryeministri
Discussion about this post