Një studim i fundit ka zbuluar një përfitim të papritur: baballarët që kanë vajza priren të jetojnë më gjatë sesa ata që nuk kanë. Ky zbulim ka sjellë një vëmendje të re mbi ndikimin e atësisë në shëndetin dhe jetëgjatësinë e baballarëve, një fushë studimi që deri më tani është trajtuar pak.
Studiuesit nga Universiteti Jagiellonian analizuan të dhënat e mbi 4310 personave, mes të cilëve 2147 ishin nëna dhe 2163 baballarë. Studimi shqyrtoi numrin e fëmijëve, duke bërë dallim midis vajzave dhe djemve, për të kuptuar ndikimin e tyre në jetëgjatësinë e baballarëve.
Rezultatet treguan se as numri total i fëmijëve dhe as raporti i djemve nuk kishin ndonjë efekt të dukshëm në pritshmërintë e jetës së baballarëve. Megjithatë, u gjet një lidhje e fortë mes numrit të vajzave dhe jetëgjatësisë së baballarëve.
Sipas studimit, baballarët e vajzave jetojnë më gjatë, dhe sa më shumë vajza të kenë, aq më shumë rritet jetëgjatësia e tyre. Konkretisht, çdo vajzë e lindur rrit mesatarisht jetëgjatësinë e babait me 74 javë.
Megjithatë, disa studime të tjera kanë gjetur rezultate të ndryshme. Një studim i zhvilluar për 14 vite tregoi se prania e fëmijëve, pavarësisht gjinisë, mund të ndihmojë të dy prindërit të jetojnë më gjatë. Sipas këtij hulumtimi, personat që kanë fëmijë kanë gjasa më të larta për një jetëgjatësi më të madhe sesa ata që zgjedhin të mos kenë fëmijë.
Përveç ndikimit fizik, baballarët e vajzave përfitojnë edhe psikologjikisht, duke përmirësuar shëndetin e tyre mendor dhe cilësinë e jetës përmes shprehjes më të hapur të emocioneve, marrëdhënieve më të mira me të tjerët, rritjes së vetëvlerësimit dhe ndjenjës së përmbushjes
Nga studimi rezulton se vajzat nuk sjellin vetëm lumturi në jetën e prindërve të tyre, por gjithashtu mund të ndikojnë në jetëgjatësinë e baballarëve. Përfitimet e tyre shtrihen nga aspektet fizike tek ato psikologjike, duke përmirësuar jo vetëm shëndetin e babait, por edhe cilësinë e jetës së tij. Këto rezultate hapin rrugë për studime më të thelluara mbi lidhjen midis prindërimit dhe shëndetit afatgjatë
Discussion about this post