Sipas një studimi britanik dyshohet se rasti i parë i konstatuar me Covid 19 mund të jetë konfirmuar mes muajit tetor dhe nëntor.
Mediat e huaja bëjnë me dije se raportimi i parë për këtë sëmundje mund të jetë më datë më të mundshme që ishte 17 nëntori, sipas një studimi të ri britanik.
Rasti i parë u raportua disa javë para datës zyrtare të fillimit të pandemisë në Ëuhan, e cila bie në fillim të dhjetorit. Studiuesit në Universitetin e Kentit, të udhëhequr nga Dr. David Roberts, i cili botoi punimin në revistën mjekësore PLoS Pathogens, përdorën një model matematikor për të bërë llogaritjet e tyre.
Studimi i tyre forcon besimin e shumë shkencëtarëve se pandemia kishte filluar më herët dhe më pas u përhap me shpejtësi. Sipas vlerësimeve të reja, rasti i parë jashtë Kinës ndodhi në Japoni më 3 janar 2020.
Rasti i parë në Evropë ndodhi në Spanjë më 12 janar 2020 dhe e para në SHBA më 16 janar.
Sipas studiuesve, paraqitja e koronavirusit të ri para se të infektojë njerëzit duhet të ketë ndodhur pak më herët në vjeshtën e vitit 2019, pa pasur ndonjë mendim mbi origjinën e virusit.
