Mënyra se si njerëzit shkruajnë në tastierë dhe përdorin mous-in e kompjuterit mund të jetë një tregues edhe më i mirë i stresit sesa rrahjet e tyre të zemrës. Kështu u shpreh një ekip studiuesish zviceranë , autorë të një studimi të publikuar në “ Journal of Biomedical Informatics ”.
Studiuesit kanë treguar se njerëzit e stresuar e përdorin tastierën dhe e lëvizin mous-in ndryshe nga njerëzit e relaksuar .
“Ata e lëvizin treguesin e mous-it më shpesh, në mënyrë më pak të saktë. Njerëzit e relaksuar, nga ana tjetër, marrin rrugë më të shkurtra, më të drejtpërdrejta për në ‘destinacionin’ e tyre dhe shpenzojnë më shumë kohë për ta bërë këtë”, thotë autorja e studimit Nägelin.
Gjithashtu, njerëzit që ndihen të stresuar në zyrë bëjnë më shumë gabime kur shtypin dhe bëjnë pushime të shkurtra dhe të shpeshta, njerëzit e relaksuar, nga ana tjetër, bëjnë më pak.
Lidhja midis stresit dhe sjelljes së tastierës dhe miut mund të shpjegohet me të ashtuquajturën “teoria e zhurmës neuromotorike”.
Discussion about this post