Një studim nga studiues në Universitetin Yale dhe Universitetin e Karolinës së Veriut në Charlotte zbuloi se, mesatarisht, njerëzit e pavaksinuar mund të riinfektohen me COVID-19 çdo 16 deri në 17 muaj.
Sipas mediave vendase, meqenëse COVID-19 nuk ka ekzistuar për një kohë të mjaftueshme për të kryer një studim afatgjatë, studiuesit e udhëhequr nga Jeffrey Townsend, profesor i biostatistikës në Yale, ekzaminuan riinfektimin në për të përsëritur përgjigjen e sistemit imunitar.
“Qëllimi i përgjithshëm i studimit ishte të jepte një përgjigje për një pyetje që në këtë pikë të pandemisë do të ishte e pamundur t’i përgjigjesh empirikisht, që është sa kohë pasi të jesh infektuar nga SARS-CoV-2 mund të presësh të kesh imunitet kundër virusit përpara se të bëhesh i prekshëm ndaj riinfektimit?”-tha bashkautorja e studimit, Hayley Hassler.
Studimi shqyrtoi të dhënat pas infektimit nga gjashtë koronavirusë që janë të ngjashëm me COVID-19 dhe që datojnë që në vitin 1984. Periudha kohore pas infektimit varionte nga 128 ditë në 28 vjet në kushte endemike, që do të thotë se sëmundja gjendet vazhdimish në një popullsi. Duke përdorur këto të dhëna, studiuesit ishin në gjendje të vlerësonin kohën e riinfektimit për njerëzit e pavaksinuar, e cila ishte afërsisht 16 muaj. Kjo është më pak se gjysma e kohës që duhet për t’u riinfektuar nga koronaviruset e tjerë të transmetuar nga njerëzit, zbuluan ata.
Studiuesit thonë se masat parandaluese shëndetësore dhe përshpejtimi global i përpjekjes së vaksinës do të jenë “kritike” për minimizimin e vdekjeve nga COVID-19. Sipas Qendrave për Kontrollin dhe Parandalimin e Sëmundjeve, 57.2% e popullsisë së SHBA është plotësisht e vaksinuar dhe 66.2% e banorëve kanë marrë të paktën një dozë.
