Ekspertët turq dhe ndërkombëtarë të shpëtimit janë angazhuar të enjten për të arritur një studiues amerikan, i cili u bllokua brenda një shpelle në Turqinë jugore në një thellësi prej më shumë se 1 000 metra pasi u sëmur.
Sipas mediave të huaja, Mark Dickey, 40 vjeç, ishte në shpellën Morca në malet Taurus të Turqisë jugore kur përjetoi gjakderdhje gastrointestinale, sipas Shoqatës Evropiane të Shpëtimit të Shpellave.
Ai nuk ishte në gjendje të largohej vetë nga shpella, tha shoqata në faqen e saj të internetit.
Ajo e përshkroi Dicky-n si “një shpellar shumë të trajnuar dhe vetë një shpëtimtar shpellash”, i cili njihet mirë si studiues i shpellave, nga pjesëmarrja e tij në shumë ekspedita ndërkombëtare. Ai është sekretar i komitetit mjekësor të shoqatës.
Yusuf Ogrenecek i Federatës Speleologjike të Turqisë i tha Associated Press të enjten më vonë se gjendja e Dickey ishte stabilizuar dhe po përmirësohej.
Ai tha se mjekët do të vendosnin nëse Dickey do të largohej nga shpella me barelë apo me forcat e tij.
Discussion about this post