Stuhi dhe breshër, moti bën kthesën e papritur për ditët në vazhdim

Javën e ardhshme moti pritet të jetë në kushte të paqëndrueshme atmosferike.

Ditën e hënë dhe të martë, meterologët bëjnë me dije se vendi ynë do të jetë nën ndikimin e reshjeve lokale, kryesisht në zonat malore. Të Mërkurën dhe të Enjten pasditja do të jetë me reshje, shkarkesa elektrike dhe breshër.

Kryesisht reshjet e shiut do të jenë me intensitet mesatar dhe të ulët, nga ana tjetër do të ketë dhe luhatje të ndjeshme të temperaturave herë në vlerat minimale dhe herë në ato të mesditës. E Premtja dhe fundjava do të mbyllet me vranësira, ku në veri të vendit do të ketë shtrëngat, rrebeshe dhe stuhi.