Moti i keq që ka përfshirë sot vendin ka shkaktuar dëme në disa qytete duke i lënë pa energji elektrike. Pas Lezhës dhe Vlorës një problem i tillë raportohet edhe në kryeqytet. Lajmin e ka bërë të ditur vetë OSHEE, e cila njofton se, si pasojë e motit të keq, janë shfaqur defekte në rrjetin e shpërndarjes në qytetin e Tiranës.
OSHEE teksa tregon zonat problematike që kanë mbetur pa energji elektrike, thekson se po vijon puna për riparimin sa më shpejt të defektit dhe rikthimin e energjisë tek të gjithë abonentët.
“Si pasojë e motit të keq, me stuhi ere dhe reshje shiu intensive, janë shfaqur defekte në rrjetin e shpërndarjes në qytetin e Tiranës. Konkretisht:, zona pa energji janë Tregu Elektrik, rruga “Zonja Curre”, Zona e “Ali Demit”, zona te Porcelanin i Vjetër, Fideri C6 Nst/Traktora, Unaza Re dhe Yzberishtit”, thuhet në njoftim. Ndër të tjera bëhet me dije se, paralajmërohen probleme edhe në zona të tjera.
Discussion about this post