Moti i keq ka pushtuar disa rajone të vendit sot, ku kanë mbizotëruar reshjet e shiut dhe erërat e forta. Stuhitë sot kanë shkaktuar 2 persona të plagosur në Berat dhe dëme të konsiderueshme në Vlorë.
Pemë e çati të rrëzuara, raportohen në disa zona të qytetit bregdetar të Vlorës ku kanë mbizotëruar erëra të forta dhe stuhi, duke shkaktuar panik të qytetarët.
Por një moment i pazakontë është raportuar edhe në Orikum, ku stuhia ka rrëzuar bazën strukturore të kalçetos. Në momentin kur ndodhi kjo situatë, lojtarët e klubit të Orikumit ndodheshin brenda duke ushtruar seancat stërvitore në fushën sportive të mbyllur, pasi moti i keq nuk i ka lejuar t’i zhvillojnë në ambiente të hapura.
Për fat të mirë nuk ka patur asnjë të lënduar por vetëm dëme materiale.
Discussion about this post