Një tjetër natë e vështirë ishte kjo që kaloi në Greqi, për shkak të përmbytjeve në Kardhica dhe Trikala shkaktuar nga fenomeni Daniel. Ndërkohë ka shkuar në 4 numri i viktimave nga përmbytjet në Magnesia.
Sipas emergjencave janë 6 persona të zhdukur, 2 prej tyre shtetas austriakë. Në disa zona uji ka arritur në 3 metra, ndërsa evakuimet në Kardhitsa po bëhen me pesë helikopterë.
Pamje shokuese vijnë nga Kardhica, ku banorët në mëngjes gjetën shpëtim vetëm në tarracat dhe çatitë e shtëpive dhe janë në pritje të evakuimit.
Zjarrfikësit dhe ekipet e shpëtimit janë duke zhvilluar operacione për evakuimin e banorëve të rrezikuar, ndërkohë që thirrjet për helikopterë e ekipe të urgjencës dërgohen vazhdimisht në median dhe median sociale. Siç raporton televizioni Mega, ka informacione për 3 familje me fëmijë të zhdukur në fshatin Rizovuni.
Ira Londo raporton se kërkimet për gjetjen e tyre po kryhen në kushte jashtëzakonisht të pafavorshme, ku uji dhe balta ka mbuluar gjithçka.
Zyrtarisht flitet për 4 humbje jete dhe 2 persona të humbur. Situatë dramatike eshte edhe në kryeqytetin grek, ku pamjet tregojnë përrenj uji që marrin me vete njerëz dhe të tjerë që përpiqen t’i shpëtojnë.
https://www.facebook.com/watch/?v=268232456101444
Kryeministri Mitsotakis ka anuluar vizitën në Panairin Ndërkombëtar të Selanikut për shkak të pasojave të shkaktuara nga fenomeni Daniel.
Meteorologët në Greqi, parashikojën që nga sot pasdite gradualisht fenomeni të dobësohet, të ulet sasia e reshjeve dhe të qetësohen erërat ndërsa nga nesër në vend do të ketë mot me diell, duke i dhënë fund frikës dhe dëshpërimit të qindra njerëzve që rrezikojnë jetën e tyre.
Discussion about this post