Qyteti i Quebec është përfshirë orët e fundit nga një stuhi e fuqishme dhe e akullt, duke lënë më shumë se 1 milionë banorë pa energji elektrike.
Stuhia ka qenë aq e fortë sa ka shkatërruar makina e ka rrëzuar pemë, madje duke dëmtuar edhe rrugët.
Sipas zyrtarëve, kjo është një nga stuhitë më të forta regjistruar ndonjëherë në Quebec. Kryeministri Justin Trudeau udhëtoi drejt Quebecut, për të parë nga afër situatën, duke e përshkruar këtë si një moment shumë të vështirë dhe shprehu impenjimin e tij për të ndihmuar menjëherë autoritetet lokale të Montreal dhe Quebec, për rindërtimin.
Rreziku i rënies së pemëve, vështirësitë në qarkullimin rrugor kanë sjell edhe mbylljen e shkollave. Ndërkohë që Hydro-Quebec njofton se po punon në rikthimin e elektricitetit, kjo gjendje mund të marrë deri në 3 ditë.
Pjesa jugore e provincës se Ontarios është përfshirë nga tornado duke njohur temperatura deri në 23 gradë.
Në Quebec, mjaft korporata ndërkombëtare kanë hapur dyert për strehim dhe ushqim për mjaft familje në nevojë.
Gjendja e jashtëzakonshme për ndërprerjen masive të energjisë elektrike ka paralizuar mjaft biznese në mbylljen e tyre, si farmaci, pika karburanti apo markete.
Discussion about this post