61 klientë të një pub-i në Britaninë e Madhe kanë mbetur të bllokuar për tre ditë brenda tij, si pasojë e stuhisë që ka përfshirë veriun e vendit. Por mes muzikës, pijes dhe ushqimit disa prej tyre u mërzitën që aventura përfundoi me ekipet e shpëtimit që hapën derën e bllokuar nga bora, shkruan The Guardian.
Ata kishin ardhur nga vende të ndryshme, duke sfiduar motin, për të dëgjuar një koncert me këngët e Oazis, por kur koncerti përfundoi, tre metra borë kishte bllokuar derën e pub-it.
Klientët dhe menaxherët nuk e humbën humorin e mirë dhe kur e kuptuan se nuk mund të ktheheshin në shtëpi, sistemuan ambientin për të fjetur me turne. Ditën tjetër kushtet meteorologjike nuk u përmirësuan, ndërsa vetëm ditën e tretë ekipet e shpëtimit u mërzitën që aventura përfundoi.
Kjo nuk është hera e parë që bie borë në Tan Hall Inn. Pubi ndodhet 528 metra mbi nivelin e detit. Në 2013, ata strehuan stafin dhe katër të ftuar për pesë ditë pasi dëbora bllokoi rrugët.
Discussion about this post