Moti i keq ka përfshirë edhe qytetin e Lushnjës. Sipas informacioneve, stuhia e erës që përfshiu Lushnjën la pa energji elektrike 10 fshatra, rrezoi dhe shkuli pemët nga toka. Disa makina pësuan dëme materiale, si thyerje xhamash, për shkak të objekteve që ranë nga lartësia. Shërbimi zjarrfikës pohon se gjatë 24 orëve të fundit ka pasur një aktivitet të shtuar pune. Deri në orën 23:30 të ditës së djeshme, u punua për largimin e ujit në 7 objekte të raportuara.
Reshjet e shiut dhe stuhia e erës janë dobësuar ditën e sotme, ndërsa raportohet se të gjitha akset rrugore të qarkut Fier janë të hapura dhe po punohet për rikthimin e energjisë në zonat ku u ndërpre. Nuk ka toka të përmbytura dhe hidrovoret janë të gjithë në punë, ndërsa grupet e punës janë në terren për largimin e pemëve të rrezuara nga era.
Discussion about this post