Një grua ka ndërruar jetë mbrëmjen e sotme në Bërçko gjatë motit të fortë me stuhi që ka përfshirë këtë zonë të Bosnjë-Hercegovinës.
Përveç këtij qyteti, stuhia e fuqishme thuhet se ka goditur edhe zonën e qytetit Tuzla.
Sipas mediave të Bosnjës, përcjell Telegrafi, më shumë se 20 persona kanë kërkuar ndihmë mjekësore, tha zëdhënësi i Institucionit Shëndetësor Publik, Sead Shadiç.
Ai ka deklaruar se shërbimi i ambulancës ka pasur shtatë ndërhyrje dhe se bëhet fjalë për lëndime të lehta të shkaktuara nga rënia apo përplasja me sende të mprehta.
Ndërkohë bëhet e ditur se era e fuqishme në Bërçko shkuli pemët, theu degët, dëmtoi disa makina dhe pati dy zjarre, tha Qendra Operacionale dhe Komunikuese e Qarkut të këtij qyteti.
Zjarri ka rënë në një shtëpi dhe sipas informacioneve të para është shkaktuar nga një rrufe. Të gjitha njësitë e zjarrfikësve janë në terren dhe po punojnë për pastrimin.
Discussion about this post