Një stuhi e fortë ka goditur Emiratet e Bashkuara Arabe, duke shkaktuar në një pjese të vindit përmbytje të mëdha. Rrugët e Dubait janë kthyer në lumenj ku shumë banesa dhe biznese lundrojnë në të.
Një video po qarkullon në rrjet ndërsa Aeroporti Ndërkombëtar i Dubait është nën ujë. Avionët e mëdhenj duken si ‘varka’ që lëviznin nëpër aeroportin e përmbytur.
Për shkak të motit fluturimet u ndërprenë ose u devijuan. Linja Flydubai anuloi të gjitha fluturimet deri në orën 10 të mëngjesit me orën lokale të së mërkurës, ndërsa kompania Emirates raportoi vonesa fluturimesh.
Autoritetet në Oman thanë se të paktën 18 persona ishin vrarë nga përmbytjet. Të vdekurit përfshinin 10 nxënës të moshës nga 10 deri në 15 vjeç, të cilët u vranë më 14 prill, kur automjeti me të cilin po udhëtonin u përpoq të kalonte një zonë të përmbytur.
Disa shtete regjistruan shira me vlerë gati të një viti për vetëm një ditë. Të martën në mëngjes, Qendra Kombëtare e Meteorologjisë e Emirateve të Bashkuara Arabe lëshoi një paralajmërim moti për zona të mëdha të vendit, duke përfshirë Abu Dhabi, Dubai dhe Sharjah.
Rajoni i Gjirit zakonisht njihet për mot të nxehtë dhe të thatë, megjithëse shirat e dendur që shkaktojnë përmbytje kanë ndodhur gjithashtu me rregullsi më të madhe vitet e fundit.
Discussion about this post