Stuhia në Tiranë shkakton kaos, bllokohet autostrada Tiranë-Durrës

Stuhia në Tiranë me reshje shiu dhe erë të fortë ka “paralizuar” lëvizjen e automjeteve në kryeqytet.

Kryeqyteti është pushtuar nga reshje të dendura të cilat kanë mbuluar disa zona me ujë. Vetëm pak minuta kanë mjaftuar që të krijohet kaos në rrugë, duke shkaktuar vështirësi në qarkullimin e makinave.

Reshjet e shumta dhe të furishme kanë krijuar trafik në zona të ndryshme në Tiranë.

Një stuhi e fortë me shi dhe erë ka përfshirë autostradën Tiranë-Durrës.

Në këtë aks raportohet se disa pika të saj dhe rruga dytësore janë përmbytur. Duke marrë shkas nga situata e vështirë, është bllokuar qarkullimi në autostradën Tiranë-Durrës.

Sipas Meteoalb, në Shqipëri ka do të bjerë deri në 95 mm shi, pasi vendi është prekur nga stuhia ‘Ciaran’.