“Stuhia u rrëzoi shtëpinë”, detaje nga tragjedia e familjes Ademaj në Pejë

Vërshimet e ujit që u shkaktuan mbrëmë nga shiu i madh në Pejë, lanë të vdekur një nënë dhe fëmijën e saj 5-vjeçar.

Kryetarja e Bashkësisë Lokale “2 Korriku” në Pejë, Valbona Avdijaj, ka rrëfyer disa detaje të reja për humbjen tragjike të dy personave, nënë e bir pas vërshimeve të mëdha me të cilat u përball qyteti i Pejës.

Ajo tha se u lajmërua nga banorët e qytetit që vërshimet në lagjen “Asllan Qeshme”, ku banonin edhe dy viktimat, janë të nivelit të lartë.

Me të marrë këto informacione, ajo tha se kishte telefonuar kunatën e nënës së 5-vjeçarit, e cila ia konfirmoi rastin e rëndë.

“Ndodhi papritur, reshjet e shiut ishin të mëdha dhe morën dy jetë njerëzish. Ishin në shtëpi brenda t’u nejtë, shiu i madh e rrëzoj shtëpinë”

“Jam shumë e mërzitur si kryetare e Bashkësisë lokale. E di, ekipet emergjente, drejtoriati i Emergjenës u munduan, por aq ishte fuqia e madhe e ujit, saqë ndodhi ç’ka ndodhi”, u shpreh ajo.