Deputeti demokrat Dashnor Sula komentoi sot dekretin e presidentit Bajram Begaj për ligjin e ndryshuar për Komisionet Hetimore Parlamentare.
Sipas Sulës, presidenti është bërë palë me mazhorancën. Prej 4 muajsh, thotë ai, po bëjmë një aksion në parlament për të dëshmuar jofunksionalitetin e tij dhe Begaj nuk ka bërë asnjë deklaratë.
Sula shton se presidenti vetëm merr urdhëra dhe këtë e tregoi edhe kur erdhi në parlament për të provokuar.
“Begaj është bërë palë e mazhorancës. Nuk i përket vetëm mazhorancës aty. Kemi 4 muaj që bëjmë këtë aksion opozitar. Dhe presidenti nuk ka pasur asnjë deklaratë për situatën që ndodhet parlamenti i Shqipërisë. Është një njeri në shërbim të mazhorancës për të cilën ja di shumë për nder. Vetëm merr urdhëra. U demonstrua dhe në seancë. Do të tregonte sikur ishte në normalitet.
Nuk mund të provojë deri në këtë farë pike që do të mbante fjalën kur nuk e ka bërë asnjë herë tjetër. Ky është kompromis që thotë presidenti. Nuk e ka bërë rolin e ndërmjetësit. Nuk ja vërshëllen njeri. Ai ka frikë të artikulojë kur i bie telefoni nga Edi Rama. Po ta kuptosh presidenti ka gjënë më thjeshtë të kthejë një ligj. Edhe mazhoranca mund ta votojë sërish. Por ama të bëjë detyrën si president. Është hakmarrje primiitve që nuk i shkon për shtat një presidenti”, u shpreh ai.
Discussion about this post