Deputeti i PD Dashnor Sula ka deklaruar se maxhoranca me mandatin e tretë që ka marrë, është sulur për të vjedhur sa më shumë.
Gjatë seancës së sotme plenare ditën e sotme, Sula ka theksuar se maxhorancës nuk i dolën 2 mandatë për tu pasuruar. Po ashtu ai ka deklaruar se, në maxhorancë ka vetëm një bari, ndërsa të tjerët janë dele.
“PPP-të janë problem i madh. Ne po e themi problemin e korrupsionit dhe i referohemi DASH, të cilët thonë se tregtimi i kokainës, korrupsioni dhe problemet e administratës janë. Tani unë pyes, nuk ju dolën 2 mandate për t’u pasuruar? Mandatin e tretë jeni lëshuar më shumë për të grabitur. Nuk jeni të gjithë, por një pjesë janë.
Opozita nuk është në rresht, nuk jemi servilë dhe nuk lëpihemi për një vend. Por më mirë kështu se një maxhorancë që ka vetëm një bari dhe të tjerët janë dele.
Që nga 21 prilli i 2008 ku mori fund demokracia në këtë sallë, gjithçka është shkatërruar dhe ka vetëm një listë personash të emëruar. Nuk duhet të jemi të kënaqur me atë rrogën e deputetit, duhet të punojmë më shumë. Unë besoj se politika ka moral, moral nuk ka për ata që janë hajdutë. Për ata që janë të ndershëm ka moral. Duhet të reflektojmë të gjithë. Çfarë është kjo lëvizja për pagat e gjyqtarëve? Një gjyqtar do marrë 8 mln, paga e tij do jetë sa për 80 pensionistë. Po i rrisni se gjykata kushtetuese është bindur. Unë mendoj se kjo është e përkohshme, sepse gjithçka ka një fund. Elementët e rilindjes do e kenë fundin, dhe do e kenë tragjik”, tha Sula.
Discussion about this post