Deputeti i Partisë Demokratike, Dashor Sula ka marrë fjalën në seancën planerë, por këtë duke marrë me vete edhe dy kokrra domate, duke iu drejtuar mazhorancës se “populli i thjeshtë këto ha, ju hani byftek Dubai”.
Sula tha se 90% e produkteve bujqësore vijnë nga importi, duke akuzuar qeverinë për mungesë të mbështetjes së fermerëve ne vend.
Ai paralajmëroi mazhorancës se në prill dhe maj dy figura të tjera të larta do të dalin para drejtësië.
“Populli i thjeshtë domate ha, ju hani byftek Dubai.
Sigurisht nga mazhorancaa u fol gjatë dhe prekin zërat e buxhetit. Ministrja e tha saktë që janë rritur të gjithë treguesit e buxhetit dhe pritshmëritë për vitin 2024.
Po janë rritur, por pse nuk thua ti që është rritur edhe vjedhja edhe korrupsioni, keni gjysmën e mazhorancës në burg, por nuk i kujtoni.
Ministrja tjetër tha se kur keni qeni ju në pushtet nuk kishte turizëm, normal që nuk kishte se nuk ishin bërë akoma rrugët, tani po, tani që i bëri Evis Berberi, vijnë turistët. Ky është realiteti.
Ju tentoni t’i merrni mendjen qytetarëve me shifra, në një kohë që harroni se ëfarë ndodh çdo ditë këtu.
Shikoni në prill dhe maj, së shpejti do keni dy figura të larta para drejtësisë.
A e dini ju ministre që 90% e domateve dhe produkteve të tjera vijnë nga importi, vijnë nga Kreta dhe Turqia.
Pse prodhimi në Shqipëri del më i lartë se në Greqi e Turqi, vjen për arsye të thjeshtë, për shkak të skemave të mbështetjes që ju duhet të jepni.
Ju i thoni blegtorëve dhe fermerëve që sot duhet të kenë 10 lopë, 100 dele që të merrni subvencionim. E keni bërë me 100 dyshemenë dhe 300 tavanin. A e dini që sot prodhimi i qumështit bëhet më shumë nga ata që kanë 2-3 deri në 5 lopë. Që do të thotë ata nuk përfitojnë asnjë lekë. Se po pate 9 lopë, nuk merr. Duhet të kesh 50 koshere bletësh, se po të kesh 49, nuk merr. Që do të thotë, nëse kemi 4 fermerë që bashkohen, ju fusni skemën e TVSH, që është një dëm i madh. A e dini ju zonja ministrja që Evropa e ka maksimumi 6% TVSH, ndërsa ju e keni bërë 20%.
Pse duhet të bëjmë skema të tilla, kur dihet që bujqësia është një shtëpi pa çati. A e dini ju që është viti i dytë, që IPARD as ka ndërmend të zbatohet?”, u shpreh Sula.
Discussion about this post