Deputeti demokrat Dashnor Sula vijon akuzat ndaj Lulzim Bashës dhe Enkelejd Alibeajt, të cilët i bën përgjegjës kryesorë për situatën ku ndodhet sot Partia Demokratike.
Në një prononcim për mediat, Sula tha se Alibeaj e Basha nuk po kërkojnë karriget në krye të PD për të fituar zgjedhjet e ardhshme, por për veten e tyre.
“E vërteta është kjo, që PD po shkon drejt greminës. Atë që bëri Berisha, po e bën tani Basha, do të mbajë peng PD. Gjej rastin t’i bëj thirrje të gjithëve që janë në këtë marri, që duhet të kuptojnë këtë gjë. Alibeaj ishte njeriu, i cili orekstroi këtë plan, ose zbatuesi i këtij plani. Unë gjithnjë i thosha që të dilte më shpesh në media dhe asnjëherë nuk përqafohej ky arsyetim.
Paska qenë skenar dhe më vjen shumë keq. Kam besuar që do e kishin aq dhembshuri. Basha i ka dhënë shumë PD-së, edhe t’ja bësh këtë demokratëve tani vetëm për të mbijetuar, se për të fituar s’fiton dot. Është një opozitë lesh e li, s’ke ca të fitosh. Thjesht duan të rrinë në politikë. Po të ishim për t’u lëpirë, mund të shkonim tek Berisha, apo dhe te Basha, por ne nuk duam këtë. Vetëm kjo është rruga”, tha Sula.
Discussion about this post