Deputeti Dashnor Sula, i pranishëm në emisionin “Të Paekspozuarit” tha se Partia Demokratike ndodhet në këtë situatë ku është sot për shkak të vendimeve të nxituara, dhe mos respektimit të procedurave dhe statutit të partisë.
Sula tha se kjo ka ndodhur para 25 prillit, por edhe pas 25 prillit, dhe ndaj sot jemi në këtë situatë.
“Nëse PD do të bëhet një parti për të mbijetuar kryetari, unë jam kundra kësaj. Gjithashtu jam totalisht kundër që Sali Berisha të marrë pjesën e madhe dhe Lulzim Basha të ketë pjesën e vogël.
Problemi është që këtu e shtrojnë çështjen ose Berisha ose Basha të bëhen kryetarë. Po pse nuk ka figura të tjera? PD-së zyrtare nuk i mungon kryetari, por anëtarët. Nuk ka anëtarë kjo është e vërteta”, tha Sula. Sipas tij, vendimi i Kryesisë duhet të miratohet në Këshillin Kombëtar, por e dini ju që s’ka Këshill Kombëtar.
Ai shtoi se 90% e deputetëve janë dele para kryetarëve, ndaj dhe kemi problemin me të gjitha partitë.
Gjatë debatit në studio, Sula me ironi tha “vërtet mendoni se Lulzim Basha ia mori vetë vulën Sali Berishë? Unë them ia mori me ndihmën e Kroacisë, çfarë t’ju them më shumë”.
Discussion about this post