Gjatë fjalës së tij në parlament, deputeti demokrat Dashnor Sula u shpreh se inceneratori i Elbasanit u vu në punë pak para zgjedhjeve vetëm për t’i hedhur hi syve shqiptarëve. Ai shtoi se do të dorëzonte mandatin e deputetit, nëse ky incenerator punon.
Dashnor Sula: Unë si deputet i qarkut të Elbasanit, ju sfidoj juve si qeveri dhe mazhorancë nëse inceneratori i Elbasanit punon pas datës 14 maj jap dorëheqjen. Punoi vetëm 2 javë para 14 majit për ‘ti hedhur hi sy shqiptareve sepse u bënë mal plehrat në Elbasan dhe nuk punon inceneratori. Pyetja ime është e drejtpërdrejtë: A vlen kjo serë me plastmas e inceneratorit 310 mijë euro i financiar nga AZHBR, kur as 31 mijë euro nuk vlen.
Ndërsa ministri i Brendshëm, Taulant Balla iu përgjigj duke i thënë se inceneratori punon, ndaj e këshilloi që të mos e djegë kot mandatin.
Taulant Balla: Zoti Sula mos e digj mandatin kot, ose shko digje nesër ku do digjen 90 ton në impiantin e mbetjeve në Elbasan. Ka qenë në punë. Vetëm mos na digjni flamurin, se të tjerat na duhen.
Discussion about this post