Ligjvënësi demokrat Dashnor Sula ka shpërthyer ndaj kreut të grupit parlamentar socialist, Niko Peleshi, pas fjalës së tij, lidhur me vendimin e Gjykatës Administrative që riktheu deputetët e opozitës në Kuvend.
Sula e ka cilësuar të turpshme sjelljen e mazhorancës me deputetët e opozitës, ndërsa u kujtoi kolegëve socialistë se askush prej tyre në kohën kur kanë qenë në opozitë nuk është përjashtuar më shumë se 10 ditë.
Të turpshme dhe jashtë çdo logjike juridike e cilësoi dënimin e Salianjit, deputeti Sula, vetëm pse denoncoi vëllain trafikant të ministrit të Brendshëm.
“E turpshme çfarë keni bërë ju. Si ka mundësi që mund të gënjesh kaq hapur e pastër. I ka hedhur poshtë masat, na keni dënuar pa ligj e rregullore 40 ditë e 60 ditë. Kushteteusja e ka hedhur poshtë. Bushka e të tjerë marrin vetëm urdhra. Jam deputet që prej 2005, na gjeni një rast nga opozita e asaj kohe, një rast që është dënuar me shumë se 10 ditë. Ku e gjetët ju ligjin të na përjashtoni, turp që firmosni për disa që s’u kam dëgjuar zërin, memeca, bëhuni njerëz.
Duhet të jeni njerëz pëprara se të respektoni vendimin e gjykatës. Gjykatën Kushteteuse e përdoret si letër higjenike për rastin e deputets Xhaçka dhe talleni tani duke e çuar në venecia. E dënuan kolegut tonë, Salianjin pa ligj. Kallëzim penal, me një grup llumësh e droge, bëni kurban politikanin dhe i shkatërroni familjen. Vëllai i ministrit .të brendshëm është trafikant dorge, pse e çuat në Itali? Na tregoni ju, që na keni çuar në SPAK, tupr ju që keni futur në burg krerët e grupeve parlamentare, e ju shkoni në burg për korrupsion me tendera. U trembët ju me parfum, thirrini mendjes së po lini kokrrën e naimit, do hyni në librin guiness. Reagoni, jeni bërë si mumje se s’do jeni gjithë ditën në pushtet”, tha Sula.
Discussion about this post