Deputeti demokrat, Dashnor Sula, ka reaguar sa i takon sekuestrimit të kompanisë së inceneratorit të Tiranës.
Në një postim në rrjetet sociale, Sula shkruan se falë punës së SPAK tashmë nuk ka më njerëz të pushtetushëm që janë imunë përpara ligjit.
“Afera e Inceneratorëve është aq e madhe sa që askush nuk ka iluzione se mund të bëhej nga individë të caktuar. Kjo aferë ka vënë në lëvizje një makineri të tërë qeveritare dhe përgjegjësia qëndron tek të gjithë ata që kanë vepruar e firmosur.
-Akti i sotëm i SPAK që meriton vlerësime dhe inkurajim, tregon se nuk ka më imunë ndaj ligjit.
Unë mbështes pa asnjë ekuivokë prokurorët e Prokurorisë së Posacme që parimi i të qënurit gardianë të ligjit, ti udheheqë deri në fund, pavarësisht se kush del para në rrugën e paligjshmërisë.
-Në Greqi pak ditë më parë ministri dha dorëheqien pasi nuk ndodhej në vend pasi kishin rënë zjarret, ndërsa në Shqipëri ministrat e ligjvënësit e pushtetarët lokalë e përdorin imunitetin për tiu shmangur drejtësisë. Në këto kushte sic e kam thënë edhe më parë, puna e Prokurorëve nuk është thjeshtë ushtrim i detyrës, por mision për ti kthyer shqiptarëve shtetin ligjor dhe për të spastruar politikën nga degët dhe rrënjët e kalbura”,- shkruan Sula.
Discussion about this post