Kryesia e PD-së zyrtare, me një vendim të miratuar më 18 korrik, ka vendosur që ti heqë të drejtën e vulës Gazment Bardhit, Sekretar i Përgjithshëm, pasi ky i fundit është pozicionuar kundër mbajtjes së zgjedhjeve për kreun e ri më 29 korrik.
Në vendimin e Kryesisë kanë firmosur anëtarët që njihen si mbështetës të Lulzim Bashës, mes të cilëve edhe deputetja Oriola Pampuri. Kjo e fundit ka firmosur dy herë, ndërsa deputetja në një reagim shprehet se gjithçka është bërë gabimisht.
Ndërkohë, deputeti demokrat Dashnor Sula shprehet se një akt i tillë është për të ardhur keq.
“Sa e turpshme dhe për të ardhur keq të shohësh akte të tilla. ‘Lideri Evropian’ që tmerrohet nga Këshilli Kombëtar kërkon të privatizojë vulën e PD sikur të jetë prona e tijë e paluajtshme.
E turpshme dhe qesharake kur shikon sesi për të dhënë përshtypje sikur ka shumicën, dokumenti firmoset me shume se njehere nga nje ligjvenes.
Që këtu kuptohet se në “cfarë nivelesh jemi. Disponimi i vules eshte ceshtje e statuti jo vullnet i individeve personal.
Sa për patericën, akuzat për Portin e Durrësit dhe të tjera s’kanë qenë për ne që kemi bërë dhe i shkonim pas edhe “opozitarizmit” të atij që nuk iku asnjë ditë por bën sikur po rikthehet me mision ushtarak”, shkruan ai.
Discussion about this post