Pesë persona u vranë nga persona të armatosur me motoçikleta që nisën një sulm ndaj protestuesve dhe forcave të sigurisë në qytetin jugperëndimor iranian të Izeh, thanë zyrtarët sot.
“Elementë terroristë dhe të armatosur” mbërritën me dy motoçikleta në tregun qendror të këtij qyteti në provincën Khuzestan dhe hapën zjarr ndaj protestuesve dhe rojeve të sigurisë, duke vrarë pesë persona dhe duke plagosur 10,” njoftoi agjencia zyrtare iraniane e lajmeve Irna , duke cituar një zyrtar të paidentifikuar .
Autorët hapën zjarr në orën 17:30 (me orën lokale) me armë automatike dhe disa policë ishin në mesin e të plagosurve , tha në televizionin publik zëvendësguvernatori i Khuzistanit përgjegjës për sigurinë, Ëaliullah Hajati.
Ai shtoi se tre burra, një grua dhe një vajzë e vogël u vranë dhe se disa të plagosur janë në gjendje kritike.
Qetësia është kthyer në mbrëmje , ndërsa forcat e rendit janë në kërkim të autorëve, tha zëvendësguvernatori.
Më 26 tetor, të paktën 13 persona u vranë në qytetin e Shirazit në një sulm të cilin e mori përsipër grupi i Shtetit Islamik brenda mauzoleumit të Shah Serag, mauzoleumit më të madh mysliman shiit në Iranin jugor.
Sulmi vjen pasi Republika Islamike tronditet nga një valë protestash pas vdekjes më 16 shtator të Mahsha Amini, një gruaje kurde 22-vjeçare me origjinë iraniane , e cila u arrestua nga policia morale me akuzën për shkelje të kodit të rreptë të veshjes së Iranit. .
Që nga fillimi i protestave kanë humbur jetën dhjetëra persona, kryesisht protestues, por edhe pjesëtarë të forcave të sigurisë.
Discussion about this post