Një sulm nga një dron ukrainas gjatë natës synoi një stacion policie në rajonin Bryansk të Rusisë, në kufirin me Ukrainën pa shkaktuar viktima, njoftoi sot guvernatori rajonal Alexander Bogomaz.
“Forcat ukrainase sulmuan në mes të natës në zonën e Trumbçevskit”, ka shkruar Bogomaz në platformën Telegram.
“Një dron goditi stacionin e policisë në atë zonë. Nuk ka pasur viktima”, ka sqaruar ai, duke shtuar se janë dëmtuar xhamat dhe çatia e objektit.
Bryansk, the UAV flew into the police building 👀 pic.twitter.com/qpZGmeJbi7
— MAKS 23 🇺🇦👀 (@Maks_NAFO_FELLA) July 30, 2023
Sulmet me dronë në këtë rajon rus si dhe në gadishullin ukrainas të Krimesë, i cili u aneksua nga Rusia në 2014, janë shumëfishuar javët e fundit, në sfondin e kundërofensive të Kievit që filloi në fillim të qershorit.
Të dielën në mëngjes, Rusia njoftoi se kishte zmbrapsur dy sulme të veçanta nga dronët ukrainas gjatë natës, një që synonte gadishullin ukrainas të aneksuar dhe tjetri Moskën.
Sulmet ndaj Moskës dhe rrethinave të saj, të vendosura rreth 500 km nga kufiri me Ukrainën, kanë qenë shumë të rralla që nga fillimi i konfliktit në shkurt 2022.
Megjithatë, në muajt e fundit sulmet me dron kanë shënjestruar kryeqytetin rus dhe një prej tyre, majin e kaluar, madje shënjestroi Kremlinin.
Discussion about this post