Persona të armatosur kanë sulmuar një dasmë në Afganistanin lindor, ku u regjistruan 3 viktima.
Zëdhënësi i qeverisë talebane, Zabihullah Mujahid tha të shtunën se dy nga tre sulmuesit ishin arrestuar dhe mohoi pretendimet se ata po vepronin në emër të lëvizjes islamike.
“Mbrëmë, në dasmën e Haji Malang Janit në fshatin Shamspur Mar Ghundi të Nangarharit, tre persona që u prezantuan si talebanë hynë në dasmë dhe kërkuan që muzika të ndalej”, u shpreh ai.
Mujahid bëri me dije gjithashtu se tre persona vdiqën e disa të tjerë mbetën të plagosur, ku po marrin trajtim mjekësor.
Dy nga autorët e ngjarjes janë arrestuar dhe janë lënë në paraburgim nga talebanët. Për sa i përket personi tjetër, ai është shpallur në kërkim e po punohet për ndalimin e tij.
