Një ngjarje e rëndë ka ndodhur në qytetin rus Ulyanovsk. Mësohet se një i armatosur ka qëlluar me armë zjarri në një kopsht fëmijësh duke vrarë të paktën tre persona, raporton agjencia e lajmeve Interfax.
Nga të shtënat kanë mbetur të vdekur 2 fëmijë dhe mësuesja. Pas krimit makabër autori kreu vetëvrasje.
Sipas Ria Novosti, e cila citon ish-guvernatorin e rajonit dhe anëtarin e Dumës së Shtetit, personi i armatosur dyshohet se ka plagosur rëndë dhe një grua tjetër.
“Një burrë i armatosur ka hyrë në një kopsht fëmijësh dhe ka hapur zjarr. Sipas informacioneve të para dy fëmijë kanë vdekur”, tha një burim i shërbimeve të ndihmës së parë për agjencinë publike të lajmeve TASS.
Discussion about this post