Sulm me armë pranë një xhamie në Oman, 4 të vrarë dhe disa të plagosur

Katër persona humbën jetën dhe disa të tjerë u plagosën nga të shtënat me armë zjarri pranë një xhamie në Muscat, kryeqytetin e Omanit.

Policia nuk dha detaje por sipas raportimeve të mediave, një person i armatosur hapi zjarr ndaj njerëzve.

“Të gjitha masat po merren dhe po ndiqen procedurat e sigurisë për adresimin e incidentit, autoritetet po mbledhin prova dhe po kryejnë një hetim për zbardhjen e rastit, tha policia.

Ngjarje të tilla janë të rralla në Oman, një vend me një popullsi myslimane.

Ambasada e Shteteve të Bashkuara në Muscat lëshoi një alarm sigurie pas të shtënave dhe anuloi të gjitha takimet për viza të martën.

“Qytetarët amerikanë duhet të qëndrojnë vigjilentë, të monitorojnë lajmet lokale dhe të dëgjojnë udhëzimet e autoriteteve lokale”, shkroi ambasada në platformën e mediave sociale X.

BREAKING: Heavy gunfire erupts at a mosque in Oman, reports of casualties pic.twitter.com/CWyPW02MCn

— BNO News (@BNONews) July 15, 2024