Shtatë persona duke përfshirë disa civilë u vranë të mërkurën nga një sulm me dron që synonte të shkatërronte një fabrikë armësh që i përkiste fraksioneve të mbështetura nga Irani në Sirinë lindore të kontrolluar nga qeveria.
Mediat e huaja raportojnë se, nuk është e qartë se kush qëndron pas sulmit në provincën Deir Ezzor, ku fraksionet e mbështetura nga Irani kanë ndikim dhe ku një koalicion i udhëhequr nga SHBA dhe Izraeli kanë kryer më parë sulme.
“Shtatë persona u vranë dhe 15 u plagosën në një sulm me dron që synonte një fabrikë armësh dhe një kamion të ngarkuar me armë”, tha Rami Abdel Rahman, i cili drejton Observatorin Sirian për të Drejtat e Njeriut me qendër në Britani.
Tre luftëtarë pro-iranianë nga Afganistani, tre civilë sirianë dhe një sirian i paidentifikuar mbetën të vrarë. Izraeli ka kryer sulme të përsëritura ajrore dhe raketore kundër forcave qeveritare dhe aleatëve të tyre të mbështetur nga Irani në Siri që nga shpërthimi i luftës civile në vitin 2011. Ai rrallë komenton mbi operacionet ushtarake individuale.
Discussion about this post