Sulme masive gjatë natës në Gaza, ushtria izraelite vret 37 persona

Të paktën 37 persona u vranë në operacionin izraelit në Rripin e Gazës gjatë natës së kaluar,  raportoi kanali televiziv libanez Al Mayadeen .

Sipas Al Mayadeen, artileria izraelite bombardoi lagjet lindore dhe jugore të qytetit të Gazës, ku u vranë 30 persona.

Siç është raportuar më parë, Izraeli nisi “ofensivën tokësore” të planifikuar në Qytetin e Gazës me qëllim vendosjen e kontrollit të plotë mbi të. Siç vuri në dukje portali Axios, administrata e Presidentit të SHBA-së Donald Trump nuk do ta pengojë Izraelin, duke e lënë atë të marrë vendime vetë në lidhje me konfliktin.

Sipas mediave të huaja, Sekretari i Shtetit i SHBA-së, Marco Rubio, i tha kryeministrit izraelit Benjamin Netanyahu “se administrata Trump mbështet operacionin tokësor, por dëshiron ta shohë atë të zbatohet shpejt, duke përfunduar sa më shpejt të jetë e mundur”.

Më 8 shtator, Netanyahu tha se ushtria izraelite së shpejti do të nisë një ofensivë të madhe në qytetin palestinez të Gazës, për shkak të së cilës banorët vendas duhet ta lënë atë menjëherë.