Disa pamje të publikuara nga luftimet në Ukrainë si duket tregojnë një sulm intensiv nga forcat e artilerisë ukrainase kundër ushtarëve ruse, të cilët po tërhiqeshin nga pozicionet e tyre.
Siç raportohet, pamjet u publikuan fillimisht nga Brigada e 3-të Sulmuese, një brigadë e Forcave Tokësore të Ukrainës.
Videoja fillimisht duket me një mori të trupave ruse, që si duket po tërhiqeshin nga pozicionet e tyre.
Pas disa çasteve pasojnë sulme të shumta me artileri ukrainase në drejtim të forcave ruse.
Nuk dihet se në cilën zonë janë xhiruar pamjet, por kjo brigadë është e angazhuar në betejën për Bakhmut, qyteti ku janë zhvilluar luftimet më të ashpra prej sa ka filluar lufta.
Ushtarët e forcave ukrainase janë duke mbrojtur pozicionet e tyre në qytetin Andriivka që gjendet 9.6 kilometra larg Bakhmutit.
Discussion about this post